Pag-aaralan ni Senate Health Commitee Chair Christopher Bong Go ang posibleng pagpapalawak sa sakop ng One Hospital Command Center.
Ito ayon kay go ay para mas mapabilis pa ang pagtugon sa mga nangangailangang medikal partikular ng mga tinamaan ng COVID-19.
Sinabi ni Go na mas mabuting mapalawak ang sakop ng one hospital command center para masilbing national patient navigation and referral center.
Ipinabatid ni Go na gamit ang makabagong teknolohiya hindi na kailangang mag ikot ang mga pasyente ng COVID-19 o mga pinaghihinalaan pa lamang dahil mayruon nang tatawagang call center para sa referral.
Pinasalamatan naman ni go ang PICC na pumayag na maging command center ang isa sa mga hall nito. —ulat mula kay Cely Ortega-Bueno (Patrro 19)
