Magbibigay ang Philippine Red Cross (PRC) ng full shelter assistance sa mahigit 100 pamilya na naapektuhan ng bagyong Rolly.
Sa pakikipagtulungan ng PRC sa International Federation of Red Cross and Red Crescent Societies (IFRC), Korean Embassy at Singapore Red Cross ay isinagawa ang Virtual Groundbreaking Ceremony para sa housing project sa Guinobatan, Albay.
Sinabi ni PRC Chairman Senator Richard Gordon, laging handa ang Red Cross na tumulong sa mga Pilipino sa pagbibigay ng mga pangangailangan.
Bukod aniya sa pabahay, nagbigay rin ang PRC ng pangunahing pangangailangan tulad ng food items, hot meals at malinis na tubig sa pamamagitan ng water tankers.
Dahil dito, pumalo na sa mahigit 1,400 bahay ang naipatayo para sa mga pamilyang nasa most vulnerable sector.
