Dumepensa ang photographer ng pre-nuptial photos ng magkasintahang sina Billy Crawford at Coleen Garcia matapos ulanin ng batikos ang ilan sa mga kuha niyang larawan sa bansang Ethiopia.
Makikita kasi sa mga kuhang larawan ni Oly Ruiz, ang ilang Ethiopian locals na tila ginawang background para sa pre – nup photos ng magkasintahan.
Paliwanag ni Ruiz, gusto lamang niyang i-highlight ang kagandahan ng lugar at ng mga tao nito.
Bagama’t may mga tumutuligsa ay umani rin ng papuri ang mga kuha sa pre-wedding photoshoot dahil sa umano’y pagiging unique ng content nito.
Napapabalita, ngayong summer nakatakdang ikasal sina Billy at Coleen.
