Hindi parin napapanalunan ang jackpot prize sa Grand Lotto 6/55 na binola ng Philippine Charity Sweepstakes Office (PCSO) noong Lunes ng gabi.
Ayon sa PCSO, posibleng pumalo pa sa P295 million mula sa dating P281 million ang premyong mapapanalunan sa susunod na lotto draw na isasagawa mamayang gabi.
Nabatid na hindi tinamaan ng mga bettor ang six-digit winning combination na 49-01-40-21-20-55 ng Grand Lotto 6/55 kaya’t walang nakapag-uwi ng katumbas nitong jackpot prize na mahigit P281, 185, 257.
Samantala, wala ring nagwagi sa P8, 910, 000 na jackpot prize sa Mega Lotto 6/45 na binola rin nitong Lunes ng gabi dahil walang nakahula sa six-digit winning combination nito na 10-44-22-31-33-19.
Hinimok naman ng PCSO ang publiko na tangkilikin ang kanilang mga palaro partikular na ang lotto, dahil baka ikaw na ang susunod na maging milyonaryo.
