Pres. Duterte bumisita sa mga tropang sundalo sa Marawi City

Matapos ang  dalawang  nabigong  pagtatangka ay natuloy  rin sa ikatlong  pagkakataon si Pangulong  Rodrigo Duterte  na  bumisita sa  Marawi City  sa  gitna ng bakbakan  ng  mga  tropa ng  pamahalaan at ISIS-Maute  Terror Group.

Dakong tanghali kahapon nang dumating sa Marawi si Pangulong Duterte na binigyan naman ng  briefing ng  mga  opisyal ng  militar at matapos nito ay humarap  sa  mga  sundalo sa  Camp Ranao.

Ayon kay  Lt. Col. Jo-Ar Herrera, spokesman ng  Joint Task Force  Marawi, dakong alas 3:00 naman ng hapon nang lisanin ng punong ehekutibo ang lungsod.

Sa  kanyang  mensahe, ipinaabot  ni Pangulong  Duterte  ang    pasasalamat at  suporta sa  mga   sundalo at tiniyak na  hindi sila pababayaan.

Naging masaya  anya ang  mga  sundalo dahil nakita  nila  ang Pangulo na kanilang hinangaan dahil sa  tapang  nito na  tumapak sa  lugar  ng  sagupaan.

Tumaas aniya ang  morale ng  mga  sundalo ngayon sa Marawi City dahil sa  ipinakitang  aksyon ni Pangulong Duterte.

By: Drew Nacino / Aileen Taliping

Comments

comments