Blangko ang mga opisyal ng Malakaniyang kung may inihandang regalo si Pangulong Rodrigo Duterte para sa mga manggagawa sa Mayo 01, araw ng paggawa.
Ayon kay Presidential Spokesman Ernesto Abella, walang ipinalalabas na detalye ang Pangulo hinggil sa mga paghahanda kung mayruon man para sa nasabing pagdiriwang.
Naghihintay ang mga manggagawa taun-taon kung may magandang balita silang maririnig mula sa Pangulo ng bansa tulad na lamang ng umento sa suweldo at iba pa.
Una nang hinihiling ng mga labor groups kay Pangulong Duterte ang pagbibigay ng subsidiya mula sa gubyerno, umento sa suweldo at ang tuluyang pagpapatigil sa ENDO o end of contract na siyang pangako nito nuong kampaniya.
By: Jaymark Dagala / Aileen Taliping
