Nilinaw ni PNP Chief General Ronald Dela Rosa na hindi niya kinukumpirma ang presensya ng Abu Sayyaf group sa Metro Manila.
Ayon kay Dela Rosa, hindi porket may naarestong hinihinalang supplier ng Abu Sayyaf Group sa gilid ng Kampo Crame ay nangangahulugang nandito na sa kalakhang Maynila ang mga terorista.
Paliwanag ni Bato, hindi pa naman kumpirmado kung Abu Sayyaf member nga talaga ang naaresto.
Ang hinala lang ngayon ay supplier ito ng mga armas at bala ng bandidong grupo.
Pero inamin din ni Dela Rosa, may posibilidad na makapasok sa Metro Manila ang mga Abu Sayyaf.
By: Avee Devierte / Jonathan Andal
