May babala si Pangulong Rodrigo Duterte sa mga baliw na drug addicts na patuloy pa ring gumagamit ng illegal na droga.
Ayon sa Pangulo, marami na ang namatay dahil sa illegal na droga at kung gusto ng mga ito na sumunod ay walang magiging problema sa kanya.
Dadagdagan aniya ang mga sementeryo sa bansa para hindi maging problema ang paglilibingan sa mga durugistang mapapabilang sa mga listahan ng mga namatay.
Walang balak ang Pangulo na pigilan pa ang mga drug addicts sa paggamit ng illegal na droga kung ayaw magpaawat ng mga ito dahil tiyak naman na may kapupuntahan na ang mga ito.
Bagamat tuloy tuloy ang anti-drug campaign ng pamahalaan, tila hindi nauubos ang mga gumagamit at nagbebenta ng illegal na droga sa bansa.
By: Aileen Taliping
