Nananatiling clueless si bagong Presidential Spokesman Harry Roque sa dahilan nang pagpili sa kaniya ng Pangulong Rodrigo Duterte sa nasabing puwesto.
Inamin ito ni Roque subalit kahit anupaman ang dahilan ay gagawin niya ang kaniyang tungkulin nang naaayon sa mga direktiba ng Pangulong Duterte.
Sinabi ni Roque na nabigla siya sa kaniyang appointment at excited naman siyang makatrabaho ang Pangulo.
Kasabay nito ipinabatid ni Roque na kinausap na niya si dating Presidential Spokesman Ernesto Abella at humingi siya ng paumanhin dito sakaling nagdamdam ito sa paghalili niya rito sa nasabing puwesto.
Ang appointment ni Roque ay inanunsyo ng Pangulo sa mismong kaarawan ng opisyal sa Davao City kahapon.
