Tinutugis ngayon ng mga awtoridad ang isang preso matapos pumuga mula sa piitan sa Barangay Libertad sa Butuan City.
Ayon sa City Police Station 3, tumakas mula sa Butuan City Jail si Romulo Cadampog ng Malaybalay City, Bukidnon.
Ang 31 taong gulang na si Cadampog ay sinampahan ng kasong homicide sa Regional Trial Court Branch 2 noong 2020.
Sa paunang imbestigasyon, tumuntong si Cadambog sa isang dog cage kaya’t nagkaroon ito ng pagkakataon para sirain ang dingding ng jail facility.
