Kasabay ng pagmamahalan ng mga magsing-irog ngayong araw ng mga puso ang pagmahal din ng presyo ng mga bulaklak.
Sa pag-iikot ng DWIZ sa Dangwa Market sa Sampaloc, Maynila, 700 pesos na ang presyo ng kada bouquet ng local red roses mula sa dating 600 pesos habang 1,500 ang naka-arrange; local white roses, 500 pesos kada dosena mula sa dating 400 pesos;
Tumaas din ang presyo ng iba pang bulaklak gaya ng Gerbera, Carnation at Sunflower, 200 pesos sa kada sampung tangkay mula sa dating 120 pesos kada piraso;
Malaysian Mums, 180 pesos mula sa dating 150, pesos at Stargazer, 150 pesos mula sa dating 130 pesos kada tangkay.
Sa dami ng tao, bahagya nang sumikip ang daloy trapiko sa bahagi ng Dimasalang Street.
(with report from Gilbert Perdez)
