Muling magpapatupad ng dagdag presyo sa gasolina ang mga oil company habang tapyas-presyo ang inaasahan sa diesel at kerosene bukas.
Ayon sa Unioil, maglalaro sa P1 hanggang P1.15 sentimos ang increase sa kada litro ng gasolina.
Habang 40 hanggang 50 sentimos naman ang posibleng rollback sa presyo ng diesel at 30 hanggang 40 sentimos sa kerosene o gaas.
Magugunitang nakapagtala ng siyam na sunod na linggong price hike sa diesel at kerosene habang ito na ang ika-10 sunod na linggong dagdag-presyo sa gasolina.— sa panulat ni Drew Nacino
