Nagtaas na ang presyo ng itlog at mantika sa ilang mga pamilihan sa Metro Manila.
Sa Muñoz Market, 10 hanggang 30 pesos ang dagdag presyo sa kada tray ng itlog.
Sumirit na rin presyo ng mantika kung saan 25 ang taas presyo sa kada litro ng coconut oil.
Dati, ang isang litro nito ay nasa 65 hanggang 75 pesos pero ngayon ay umabot na ito sa 85 pesos.
Habang ang 1.5 liters ng coconut oil na dati ay nasa 115 hanggang 120 pesos lamang, ngayon ay nasa 140 pesos na.
Samantala, maliban sa itlog at mantika ay tumaas na rin ang presyo ng manok sa Kamuning Market. —sa panulat ni Hya Ludivico
