Inaasahang ilalabas na ng Department of Trade and Industry (DTI) bago matapos ang Nobyembre ang listahan ng noche buena items na magkakaroon ng price increase maging ang walang paggalaw sa presyo.
Ayon kay DTI Undersecretary Ruth Castelo, kung wala sa listahan, nangangahulugan itong may taas-presyo na hanggang tatlong porsyento.
Nilinaw ni Castelo na kabilang sa mga magkakaroon ng minimal price increase ang hamon, fruit cocktail, queso de bola, mayonnaise, pasta at tomato sauce pero marami ring produkto ang hindi gagalawang presyo.
Samantala, ipinanawagan naman ni Laban Konsyumer President, Atty. Vic Dimagiba na payagan ang mga retailer na iwasang galawin ang presyo para sa kapakanan ng mga mamimili. —sa panulat ni Drew Nacino
