Tataas ang presyo ng mahigit 40 produkto na nasa listahan ng basic necessities at prime commodities o pangunahing bilihin na binabantayan ng Department of Trade and Industry sa mga susunod na linggo.
Kabilang sa mga magmamahal ang presyo ng instant noodles, sabon, bottled water, at iba pang basic items.
Ayon kay DTI Assistant Secretary Amanda Nograles, ilalabas nila ang bagong bulletin sa susunod na buwan.
Kaugnay nito, binago rin ng departamento ang timing ng kanilang paglalabas ng bulletin, kung dati inilalabas nila ang Suggested Retail Price bago ipatupad ang adjustments sa mga tindahan, at sa ngayon inilalabas na ito pagkatapos itong mapatupad. – sa panunulat ni Charles Laureta
