Hinimok ni Justice Secretary Menardo Guevarra ang publiko na respetuhin ang privacy ni dating Justice Spokesperson at Undersecretary Markk Perete.
Kasabay ito ng pagkumpirma ni Guevarra sa paghahain ni Perete ng resignation letter kay Pangulong Rodrigo Duterte dahil sa personal na dahilan.
Ayon kay Guevarra, ipinaliwanag na sa kanya ni Perete ang mga dahilan nito sa pagbibitiw sa puwesto bago pa man maghain ng resignation letter.
Aniya, sobrang personal ang mga nabanggit nito rason kaya’t mas makabubuti kung respestuhin na lamang ang privacy ni Perete at hilingin ang ikabubuti ng dating opisyal.
Kahapon, inanunsyo ni Perete ang kanyang pagbibitiw na agad aniyang epektibo.
