Problema sa pamilya ang tinututukang anggulo ng pulisya sa pagmasaker sa anim na miyembro ng isang pamilya sa San Leonardo Nueva Ecija.
Ayon kay San Leonardo Police Chief Inspector Ranny Casilla, kanila nang isinantabi ang anggulo ng pagnanakaw lalo’t wala namang nawalang mahahalagang gamit sa bahay ng mga biktima.
Dagdag ni Casilla, meron na silang hawak na person of interest at nakapagbigay na rin aniya ito ng ilang mga detalye na makatutulong para maresolba ang krimen.
Gayunman hindi muna pinangalanan ni Casilla ang nasabing person of interest.
Batay sa mga naunang ulat, isang suspek na kinilalang si Jessie Tesoro ang hawak na ng Nueva Ecija police.
