Tila binali ng Pangulong Rodrigo Duterte ang kaniyang pangako umano sa Diyos na hindi na siya kailanman magmumura sa harap ng publiko.
Sa kaniyang talumpati sa send-off ceremony sa 17 mangingisdang Vietnamese sa Sual Pangasinan, hindi napigilan ng Pangulo ang magmura dahil sa matinding pagkainis sa Amerika.
Magugunitang inihayag ng Pangulo habang papauwi ito mula sa kaniyang biyahe sa Japan na kinausap umano siya ng Diyos para itigil na ang kaniyang pagmumura.
Nairita rin ang Pangulo sa dahilan ng Amerika na ang kampaniya nito kontra iligal na droga ang dahilan kaya’t nabulilyaso ang pagbili sana ng armas ng PNP sa nasabing bansa.
By: Jaymark Dagala / Aileen Taliping
