Aprubado na ng Human Rights Committee ng Kamara ang panukalang House Bill 6538 o Magna Carta of religious freedom.
Layon ng panukalang inihain ng Cibac Partylist sa pangunguna ni Deputy Speaker Bro. Eddie Villanueva at Congressman Domingo Rivera, na protektahan ang karapatan ng bawat Pilipino na malayang pumili at gampanan ang aanibang relihiyon.
Kasunod nito, kapwa nagpaabot ng pasasalamat sina Villanueva at Rivera sa mga mambabatas na sumuporta sa kanilang panukala sa ginawang pagdinig ng kumite.
Iginiit ni Deputy Speaker Villanueva, na sa hakbang na ito tiyak mapapapurihan ang Diyos.
