Nairita si House Speaker Sonny Belmonte sa inilunsad na protesta sa plenary hall ng ilang kongresista mula sa Makabayan Bloc sa huling State of the Nation Address (SONA) ni Pangulong Noynoy Aquino.
Aminado si Belmonte na nahihiya siya kay Pangulong Aquino dahil pawang kasamahan niya sa kamara ang mga nagbitbit ng mga plakang may mga katagang “palpak” at “manhid.”
Aniya, hindi na niya nagawang humingi ng paumanhin sa Panuglo dahil batid naman nito kung ano kalakaran sa mababang kapulungan.
Bagaman nagprotesta ang ilang kongresista, sinalubong naman ito ng mas malakas na palakpakan lalo ng mga kaalyado ng administrasyon bilang suporta sa Punong Ehekutibo.
Samantala, inihayag naman ni ACT Teachers Partylist Rep. Antonio Tinio na handa ang Makabayan Bloc na harapin ang anumang ethical complaint laban sa kanila.
By Drew Nacino
