Papayagan nang makabiyahe ang mga provincial bus simula sa Miyerkules, Setyembre 30.
Ito ang kinumpirma ni Land Transportation Franchising and Regulatory Board (LTFRB) Chairman Martin Delgra.
Gayunman, hindi nilinaw ng LTFRB kung aling mga ruta ang mapapabilang sa pagbabalik biyahe.
Subalit nilinaw ni Delgra sa kaniyang memorandum na ilalabas nila ang listahan ng mga bubuksang ruta ngayong weekend.
Magpapatawag din aniya sila ng pagpupulong sa mga kumpaniya ng bus sa Lunes upang plantsahin ang mga ipatutupad na panuntunan sa gitna ng umiiral na general community quarantine (GCQ) sa Metro Manila.
