Pinahihintulutan nang bumalik sa Edsa ang mga provincial buses upang matugunan ang inaasahang pagdagsa ng mga pasahero ngayong holiday season.
Ayon sa Metropolitan Manila Development Authority (MMDA), maaaring maghakot ng pasahero ang mga bus simula bisperas ng pasko, Disyembre a-24 hanggang Enero a-2.
Ito’y upang ma-accomodate ang mas maraming pasaherong uuwi sakani-kanilang mga probinsya.
Dapat tapusin ng mga provincial buses na magmumula sa Norte ang kanilang mga byahe sa mga terminal sa Cubao at Quezon City habang ang mga galing sa South ay dapat tapusin ang kanilang byahe sa Pasay City. – sa panulat ni Hannah Oledan
