Abot-kamay na ng bansa ang pagkakaroon ng sariling COVID-19 vaccine manufacturing plant.
Ito ang inihayag ni National Task Force (NTF) against COVID-19 spokesman Restituto Padilla Junior sa gitna ng positibong negosasyon para sa nasabing proyekto.
Ayon kay Padilla, mayroon ng ilang manufacturers na nasa advanced stages ng negosasyon habang isa pang kumpanya ang naglalatag na ng hakbang upang masimulan ang manufacturing capability sa bansa.
Hindi naman pinangalanan ng opisyal ang manufacturer dahil sa non-disclosure agreement.
Kabilang naman sa mga ikinonsiderang lokasyon ng planta ang mga malapit sa paliparan upang madali ang transportasyon.—sa panulat ni Drew Nacino
