Nagpasalamat sa liderato ng Iglesia ni Cristo si Pangulong Rodrigo Duterte dahil sa suportang ibinigay nito sa buong panahon ng kaniyang termino.
Bago magtungo sa New Clark City sa Capas, Tarlac, dumaan muna ang Punong Ehekutibo kahapon sa central office ng INC sa Quezon City kasama si Senator Bong Go.
Kabilang sa suportang ibinigay ng INC sa Administrasyong Duterte ay ang pagtulong sa mga mamamayan sa panahon ng kahirapan, krisis, kalamidad at COVID-19 pandemic.
Matapos ang courtesy call, dumiretso na ang Pangulo at Senador sa Tarlac para inspeksiyunin ang National Academy of Sports na naging batas dahil kay Go.
