Mananatiling mahigpit na ipatutupad ng pamunuan ng Presidential Security Group (PSG) ang mga safety protocols kontra coronavirus disease 2019 (COVID-19) sa loob ng Malacañang Complex.
Inihayag ni PSG Commander Jesus Durante, na tuloy pa rin aniya ang pagsasagawa ng screening procedures sa sinumang papasok sa Malacañang.
Isasailalim din ang mga papasok dito sa mandatory rapid antibody detection testing at disinfection.
Dagdag pa ni Durante, iiral din ang “no invitation, no entry” na polisya para sa lahat ng bibisita sa Malacañang.
Kasunod nito, pinayuhan din ng PSG si Pangulong Rodrigo Duterte na tanging mga maliliit na mga pribadong pagtitipon lamang ang daluhan, bilang pag-iingat kontra sa virus.
Samantala, siniguro ni PSG Commmander Durante, na patuloy ang kanilang pagbabantay sa seguridad ng pangulo.
