Muling magpapatawag ng public hearing sa usapin ng vaccination plan ng pamahalaan ang senate committee of the whole sa Biyernes,Enero 22.
Ayon kay Senate President Vicente Sotto III, open hearing o bukas sa publiko ang kanilang isasagawang pagdinig.
Saka na lamang aniya magsasagawa ng executive session kapag kinailangan na ito.
Una nang iminungkahi ni Senate Majority Leader Migz Zubiri ang pagsasagawa ng executive session upang makakuha ng mga impormasyon mula kay Vaccine Czar Secretary Carlito Galvez.
Ito ay kasunod ng palagiang pag-iinvoke ni Galvez sa confidentiality disclosure agreement tuwing tinatanong sa presyo ng bakuna ng Sinovac na unang kukunin ng pamahalaan.
