Kasabay ng pagdiriwang ng World Immunization Week, hinimok ni Dr. Benito Atienza, pangulo ng Philippine Medical Association, ang publiko na magpabakuna na kontra COVID-19 at iba pang vaccine preventable diseases.
Sa panayam ng DWIZ, binigyang diin ni Atienza na mahalaga ring mabakunahan ng specific vaccines partikular ang mga batang edad dalawa pababa, mga kababaihan at senior citizens.
Nanawagan naman si Atienza sa publiko na patuloy na sundin ang minimum public health protocols upang maiwasan ang COVID-19, at huwag nang hintaying tumaas pa ang mga kaso nito bago magpabakuna o magpabooster shot.
