Sugatan ang isang pulis at dalawang sibilyan sa kambal na pagsabog sa Upi, Maguindanao.
Ayon kay Police Chief Senior Insp. Merle Glemao, nanonood lang ng larong basketbol sina Jonathan Lingatong at Allan De Guzman nang maganap ang pagsabog sa labas ng elementary school sa Barangay Borongotan.
Makalipas ang ilang minuto, isa namang pagsabog ang naganap sa National Highway kung saan tinamaan ang isang patrol car na sinasakyan ng mga rumerespondeng pulis.
Nasugatan sa insidente si PO1 Marjun Lahaylahay kung saan agad itong dinala sa Regional and Medical Center sa Cotabato City.
Nagpapatuloy ang imbestigasyon sa mga naturang insidente.
