Tiniyak ni Department of Interior and Local Government o DILG Secretary Mike Sueno na matatanggal sa serbisyo ang pulis na na-aresto makaraang maaktuhang nagpa-pot session.
Inamin ni Sueno na nagalit siya sa insidente dahil isang mataas na opisyal pa, aniya, ng Philippine National Police (PNP) ang gumagamit ng iligal na droga sa kalagitnaan ng kampanya ng administrasyong Duterte kontra iligal na droga.
Iginiit ni Sueno na ipinahiya ni Police Superintendent Lito Cabamongan di lamang ang Philippine National Police kundi maging ang DILG.
Babala pa ni Sueno, walang puwang sa PNP ang mga pulis na adik.
By Avee Devierte / Ralph Obina
