Isasailalim sa paraffin test at ballistic test ang Pulis na inaresto makaraang magpaputok sa gitna ng pagdiriwang ng bagong taon sa Brgy. Tuao North, Bagabag, Nueva Vizcaya.
Ayon sa Bagabag Police Station, nasa impluwensya ng alak ang suspek na kinilalang si Patrolman Loreto Padual Abrio, 30-anyos na miyembro ng PNP-SAF at nakatalaga sa 145th Special Action Company, 14SAB PNP SAFsa Lamut, Ifugao nang magpaputok ng baril.
Agad siyang inireklamo ng isang concerned citizen kung saan, nahuli si Abrio sa labas ng isang videoke bar bitbit ang kaniyang baril na may serial number at marka ng PNP Property.
Narekober sa suspek ang isang magazine na may 13 bala ng 9mm caliber na nakasilid sa loob ng isang sling bag.
Nasa kustodiya na ngayon ng pnp bagabag si Abrio na nakatakdang sampahan ng kaukulang kaso.
