Umakyat na sa 71 pulis ang kumirmadong kaso ng coronavirus disease 2019 (COVID-19).
Ito ang inanunsyo ng Philippine National Police (PNP) kung saan 10 sa nasabing bilang ay gumaling na sa sakit habang tatlo ang nasawi.
Samantala, nasa 604 na pulis na ang hinihinalang may COVID-19.
Kasabay nito, hinimok ng PNP ang mga pulis na nakakaramdam ng sintomas na makipag-ugnayan sa kanilang health service.
