Arestado ang isang 44-anyos na police staff sergeant na nakadestino sa Quezon City Police District (QCPD) station 16 sa Barangay Bagong Silang, Caloocan City at isa pa suspek matapos mahulihan ng armas na walang permit.
Kinilala ang naturang suspek na si alyas Jonjon kasama ang isa pang suspek na si alyas Lek-Lek, 34 na taong gulang.
Ayon sa pulisya, rumoronda sila sa lugar nang timbrehan ng isang concerned citizen na nakita nito ang mga suspek na may dalang armas
Dahil dito, agad na rumesponde ang Pulisya sa Barangay Bagong Silang, kung saan nakita nilang binigay umano ni alyas Jon-jon ang isang pistola kay alyas Lek-lek.
Kung saan nakumpiska sa mga ito ang kwarentay singko na baril, tatlong magasin, 21 bala, at isang ID.
