Umakyat na sa 78 ang bilang ng mga nasawi sa hanay ng Philippine National Police o PNP dahil sa COVID-19
Ito’y makaraang masawi kaninang umaga ang isang pulis na nakatalaga sa Police Security and Protection Group o PSPG at may ranggong police staff sergeant.
Ayon sa source ng DWIZ na tumangging magpakilala, ilang araw nang naka-quarantine sa Kiangan billeting center sa loob ng kampo Crame ang naturang pulis.
Dinala siya kahapon sa University of the East – Ramon Magsaysay o UERM hospital sa lungsod ng Maynila dahil sa dumaraing ito ng hirap sa paghinga.
Sa kabuuan, nasa 29,137 na ang bilang ng mga pulis na tinamaan ng COVID-19 matapos madagdagan ng 63.
Mula sa naturang bilang ay 1,386 ang mga aktibong kaso matapos namang makapagtala ng 86 na bagong gumaling sa sakit.
Dahilan upang umakyat naman sa 27,674 ang kabuuang bilang ng mga gumaling sa sakit sa hanay ng pambansang pulisya
