Ipinag-utos ni NCRPO Chief Police Director Oscar Albayalde ang pagsibak kay PO2 Manuel Carvajal Taytayon.
Magugunitang nag-viral ang video ni Taytayon habang nakikipagtalo sa dalawang menor de edad sa Pasay City kung saan sinasabing bumunot pa ito ng baril.
Ang relief order laban kay Taytayon ay epektibo noong Hulyo 27, 2017.
Ayon kay Southern Police District PIO Head Chief Insp. Kim Molitas, si Taytayon ay nasa jurisdiction na ng regional personnel holding and accounting unit sa Camp Bagong Diwa.
Sinabi ni Molitas na pinare-review na ni Albayalde ang video at sakali aniyang mapatunayang may ginawang paglabag si Taytayon ay hindi ito mangingiming patawan ng karampatang parusa ang naturang pulis.
- Gilbert Perdez
