Sumuko na ang isang miyembro ng Quezon City Police District na sangkot sa pagdukot at pagpatay sa Casino Junket Operator na si Carlos Abad Tan.
Ayon kay PNP-Anti Kidnapping Group Director, Senior Supt. Glenn Dumlao, sumuko si SPO1 Benjamin Pagarigan matapos mapatay sa engkwentro sa Carmona, Cavite ang kanyang mga kasabwat niyang pulis sa kidnap for ransom.
Kinilala ang mga napatay na sina PO3 Rodel Estonactoc, na leader ng grupo, PO1 Ramil Espejo, PO1 Rolando Albios at civilian asset na si Erwin Escobido.
Sa ngayon ay pinaghahanap pa ang iba pang kasabwat ni Pagarigan kung saan isa mga ito ay kanya ring kapwa pulis.
