Nahaharap sa tatlong kaso ng rape ang isang pulis sa Dingalan Aurora Province dahil sa panggagahasa ng isang 16-anyos na dalagita.
Sampung counts naman ng rape ang isinampa sa isang Frank Salvador na di umano’y lolo ng biktima dahil sa paulit-ulit na pang-aabuso sa kanyang apo.
Napag-alamang dinis-armahan na ng hepe ng PNP Dingalan ang pulis na nakilalang si PO2 Bernardo Gawad Jr. at inilagay sa kustodiya ng Aurora Police Provincial Office.
Kasama rin sa kinasuhan ang dalawang iba pa na ka-barangay ni Gawad sa Barangay Aplaya kung saan isa di umano sa mga ito ang kasintahan ng biktima.
—-
