Patay na ang pulis na umawat lamang sa away ng kanyang dalawang kasamahan sa loob mismo ng Station 12 sa Eastwood, Quezon City.
Namatay si SPO1 Arnel Fortes sa Quirino Memorial Medical Center kaninang madaling araw.
Tinamaan si Fortes habang namamagitan sa nagkakainitang sina PO2 TJ Valdez at PO1 Rollsmith Ducusin.
Sa panayam ng DWIZ kay Quezon City Police District Director P/Chief Superintendent Edgardo Tinio, lumabas sa inisyal nilang imbestigasyon na attendance lamang ang pinagmulan ng away ng nina Valdez at Ducusin.
Aniya, sa ngayon ay isinailalim na sa custody si Ducusin habang nananatili naman sa pagamutan si Valdez.
Patuloy ang ginagawang malalimang imbestigasyon sa nangyaring insidente.
By Rianne Briones
