Magbibigay ng tulong ang Quezon City Government sa mga gurong naaksidente sa Orani, Bataan.
Matatandaang 1 sa 48 pampublikong guro ang nasawi at sugatan naman ang iba pa nang mawalan ng preno ang kanilang sinasakyang bus na may plakang SAA-9845 habang binabaybay ang pakurbang bahagi ng nabanggit na lugar at papauwi na sana sa Quezon City.
Ayon sa Lokal na Pamahalaan ng lungsod, kanilang sasagutin ang gastos sa ospital ng mga biktima maging ang financial assistance para sa pamilya ng gurong nasawi sa aksidente.
Sa ngayon, patuloy pang iniimbestigahan ang driver ng bus para malaman kung ano ang pinaka dahilan ng aksidente.
