Suspendido na ang klase sa lahat ng antas sa mga pampubliko at pribadong paaralan sa quezon city.
Ang nasabing anunsiyo ay inilabas kaninang pasado alas-10:00 ng umaga ni Quezon City Mayor Herbert Bautista.
Batay sa flood ang traffic monitoring, nakaranas ng matinding trapiko ang maraming lansangan sa lungsod bunsod ng tuluy-tuloy na malakas na pag-ulan kaninang umaga.
Samantala, dahil pa rin sa pagbaha, nagpatupad na ng force evacuation ang ilang barangay sa Santa Maria Bulacan.
Ayon sa Santa Maria Rescue, bumaba sa ilog ang tubig ulan na bumuhos sa kabundukan ng San Jose del Monte City at Rodriguez, Rizal.
Hindi na rin anila maaaring madaaanan ng lahat ng uri ng mga sasakyan ang Macaiban Bridge dahil sa pag-apaw ng tubig sa ilog.
—-
