Inihayag ni incoming Chief PNP na si C/Supt. Ronald dela Rosa na quality at hindi quantity ang kaniyang gagamiting batayan sa pagkuha ng mga bagong pulis.
Aniya, walang silbi ang dami ng mga pulis kung karamihan naman sa mga ito ay sangkot sa mga iligal na aktibidad tulad ng droga.
Binigyang diin pa ng susunod na PNP Chief na mas nanaisin pa niyang kakaunti na lamang ang mga pulis basta’t masiguro lamang na matutupad ang kanilang target na masupil ang krimen sa loob ng tatlo hanggang anim na buwan.
Una rito, inanunsyo ni outgoing Interior Secretary Mel Senen Sarmiento na may sampung libong bagong pulis ang madaragdag sa hanay ng Philippine National Police o PNP.
By: Jaymark Dagala
