Nagpaabot ng mensahe si Queen Elizabeth II sa mga taga United Kingdom bilang pagtiyak sa pakikibahagi ng royal family sa pagharap ng kanilang bansa laban sa banta ng coronavirus disease 2019 (COVID-19).
Sa kanyang talumpati, sinabi ni Queen Elizabeth na positibo siyang malalagpasan ng UK ang hamon at problemang dala ng COVID-19.
Sa kasalukuyan aniya ay kinakailangang baguhin ng lahat ang mga nakasanayan at karaniwang nakagawian sa buhay para matiyak, hindi lamang ang sariling kaligtasan kundi ng buong komunidad.
Una nang kinansela ni Queen Elizabeth ang taunang garden parties at iba pang okasyon sa buckingham palace bilang pag-iingat.
