Nagpabakuna na kontra coronavirus disease 2019 (COVID-19) si Queen Elizabeth II ng Britanya kasama ang kanyang asawa na si Prince Philip.
Sa inilabas na pahayag ng Buckingham Palace, tumanggap ang Queen at Duke ng Edinburgh ng COVID-19 vaccine noong Sabado.
Nagpabakuna ang 94 taong gulang na si Queen Elizabeth at 99 taong gulang na si Prince Philip sa kanilang royal household doctor sa Windsor Castle.
Samantala, nasa mahigit 1.5-M na ang nakatanggap ng bakuna at patuloy ang pagbibigay ng bakuna sa Britain.
