Pitong (7) misa ang idaraos ng pamunuan ng Quiapo Church para sa nalalapit na Simbang Gabi.
Sa abiso ng Quiapo Church, sinabi nito na sisimulan ang misa ng alas-4 ng umaga, susundan ng alas-5:15 at ala-6:15 ng umaga.
Sa gabi naman, idaraos ang misa ng alas-6 ng gabi; susundan ito ng pangalawang misa ng ganap na alas-7:15 at alas-8:30 ng gabi.
Bukod pa rito, magsasagawa rin ng misa ng alas-8 ng gabi sa Liwasang Bonifacio.
Sa kaparehong abiso, sinabi ng Quaipo Church na may misa rin sa bisperas ng Pasko o ika-24 ng Disyembre sa ganap na alas-7 ng gabi para gagawing vigil, at alas-9 naman ng gabi para sa pagsalubong ng Pasko.
Samantala, sa mga hindi makadadalo ng personal sa mga nabanggit na misa, maaari namang tumutok sa official social media accounts ng Quiapo Church para sa isasagawang live streaming.
