Dinagsa ng mga deboto ang simbahan ng Quiapo ngayong unang Biyernes ng Agosto.
Ito’y sa kabila ng masamang lagay ng panahon.
Mula sa bahagi ng Carriedo hanggang sa Plaza Miranda ay nag-abang sa pila ang mga deboto para makapasok sa loob ng simbahan.
Maliban sa mga tauhan ng Manila Police District (MPD) Station-3, tumutulong na rin ang ibang force multipliers mula sa mga barangay na nakakasakop sa Quiapo.
Sa kabila ng pagdagsa ng mga deboto, sinisikap pa rin na maipatupad ang ilang mga patakaran sa minimum health protocols kontra COVID-19 para maiwasan ang hawaan ng virus.
