Kritikal ang kondisyon ng isang radio broadcaster matapos pagbabarilin sa Dumaguete City, Negros Oriental.
Kinilala ni Police Region Office 7 Spokesman, Supt Reymar Tolentino ang biktimang si Edmun Sistoso ng DYGB FM Power 91.
Ayon kay Tolentino, pababa na ng habal-habal si Sistoso sa Aldecoa Drive, Barangay Daro nang dikitan siya ng isang lalaking naka-motor at pinagbabaril.
Nagtamo ng mga tama ng bala sa iba’t ibang bahagi ng katawan ang biktima.
Si Sistoso ay isa umano sa mga dating opisyal ng National Union of Journalist of the Philippines (NUJP) sa Negros Oriental.
Inaalam pa ang motibo sa pamamaril at sino ang nasa likod ng krimen.
