Isang radio commentator ang patay matapos pagbabarilin sa labas mismo ng istasyon na kaniyang pinagtatrabahuhan sa Cebu City.
Ayon kay Cebu City Councilor Dave Tumulak, katatapos lang ni Rey Cortes sa kaniyang programa at pasakay na ito ng SUV.
Dito siya biglang kinaladkad ng dalawang lalake at saka pinagbabaril.
Nagtamo ng tama ng bala sa braso at puso ang biktima. Idineklarang dead on arrival sa ospital si Cortes.
Kwento ni Tumulak, hindi na rin niya nagawang tapusin ang kaniyang programa na sumunod kay Cortes dahil pinuntahan niya ito at nakita na niyang nakahiga at duguan.
Nabatid na dati na ring binaril sa Cortes ngunit siya ay naka-survive.
