NILINAW ng defense ministry ng Russia na Ukrainian military ang target ng sea-based missiles na pinakawalan mula sa kanilang submarine sa Black Sea at hindi mga sibilyan.
Ayon sa ministry, nagsasagawa ng pagpupulong ang Ukrainian Air Force kasama ang ilang kinatawan ng mga dayuhang arms suppliers nang ilunsad nila ang pag-atake sa lungsod ng Vinnytsia.
Una nang tinawag ni Ukrainian President Volodymyr Zelenskyy ang pag-atake bilang ‘act of terrorism’ na umano’y kumitil sa buhay ng tinatayang 23 sibilyan.
Samantala, nilinaw ng ilang Ukrainian authorities na walang militar sa lugar kung saan tumama ang missiles ng Russia.
