Ipinag-utos ng isang jury sa Manhattan kay Rapper 50 Cent na magbayad ng karagdagang $2 million sa isang babae bunsod ng sex tape na ipinakalat nito noong 2009.
Ayon sa jury, dinagdagan niya ang $5 million na danyos laban kay 50 Cent o Curtis James Jackson sa tunay na buhay base sa reklamo ni Ms. Lastonia Leviston.
Sa isang video, sinasabing makikita si Leviston habang nakikipagtalik sa isa pang rapper na si Rick Ross.
Layunin umano ni 50 Cent sa pagpapakalat ng naturang video na siraan at wasakin ang pagkatao ng kaaway nitong si Ross.
By Jelbert Perdez
