Itinanggi ng Kapamilya star na si Rayver Cruz ang mga ulat na balak niyang mag-ober the bakod o lumipat sa Kapuso Network.
Ayon kay Rayver, sa ngayon ay abala siya sa kanyang show sa ABS na “Bagani” kasama sina Liza Soberano at Enrique Gil.
Aminado naman ang binata na mayroong kumakalat na usap-usapan na aalis na siya sa ABS-CBN dahil hindi na siya gaanong napapanood kaya’t inasahan na niya ang ganitong tsismis.
Dagdag pa ni Rayver, matagal na silang nagte-taping, pero sa susunod na taon pa talaga ipalalabas ang show.
Samantala, hindi naman idinetalye ng Kapamilya star kung hanggang kailan ang kanyang kontrata sa dos basta’t ang malinaw anya ay existing pa ito.
