Pumalo sa 4, 127 ang bagong Covid-19 infections na naitala ng Department of Health kahapon.
Batay sa datos ng DOH, ito na ang pinakamataas na bilang simula noong Pebrero a-10.
Sumampa rin sa 32, 637 ang bilang ng active cases, mas mataas mula sa 29, 897 na naitala noong Huwebes.
Nadagdagan naman ng 1, 374 ang bilang ng mga gumaling, na may kabuuang bilang na 3, 675, 119.
Habang 14 ang nadagdag sa bilang ng mga nasawi na umaabot na ngayon sa 60, 718.
Ang nationwide Covid-19 tally ay aabot na ngayon sa 3, 768, 474.
Ang mga rehiyong nanguna sa may pinakamaraming kaso sa nakalipas na dalawang linggo ay ang NCR na may 13, 461 new cases, CALABARZON na may 8, 773 at Central Luzon na may 4, 099 bagong kaso.
